Հոկտեմբերի 29-ին Շենգավիթի ընդհանուր իրավասության դատարանի շենքում շարունակվեց «Հայկական ժամանակ» թերթի գլխավոր խմբագիր Նիկոլ Փաշինյանի գործով վկաների հարցաքննությունը: Դատական նիստի ընթացքում հարցաքննվեցին 2007-ի հոկտեմբերի 23-ի դրվագով որպես վկա անցնող Ռիտա Եփրեմյանն ու Վարսենիկ Զուրաբյանը: Երկուսն էլ հայտնեցին, թե չեն ճանաչում ո’չ տուժողին, ո’չ ամբաստանյալին` նշելով, որ «չեն տեսել Նիկոլ Փաշինյանի կողմից ոստիկանին ոտքով հասցված որեւէ հարված»` ի տարբերություն նախորդ դատական նիստի ընթացքում ցուցմունք տված Վազգեն Սերոբյանի եւ Կարեն Գրիգորյանի:
